Frantsýz kompozıtory D.Marýanı men qazaqstandyq skrıpkashy J.Serkebaeva kórermenderge jańa shoý usynady
ASTANA. QazAqparat - Frantsýz mýzykanty, kompozıtor jáne klavıshnık, ataqty Space tobynyń múshesi Dıde Marýanı jáne belgili qazaqstandyq skrıpkashy Jámıla Serkebaeva qazaqstandyq ónersúıer qaýymnyń nazaryna «Sezim surapyldary» («Pıat stıhıı») jobasyn usynady.
Kórermenderdi ýkraınalyq mamandar ázirlep jatqan 3D-effektisi bar shoý kútip tur dep jazady «Ekspress-K». Jámıla Serkebaevanyń óneri túrli elderdegi sazsúıerlerdiń júreginen oryn tapty. Ol Korellı, Vıvaldı, Gendel, Paganını, Motsart, Bah, Chaıkovskıı jáne Debıýssıdiń týyndylaryn óte áserli oryndaıdy. Jámıla Serkebaeva qazaqtyń etnıkalyq áýenderin, sondaı-aq kantrı, djaz, rok jáne tehno stılderin de nazarynan tys qaldyrmaıdy. Ónerpazdyń talanty frantsýz sazgeri, elektrondyq mýzyka janrynyń pıonerleriniń biri Dıde Marýanıdiń ystyq yqylasyna ıe boldy. 80-jyldardyń ózinde-aq ol kontsertterinde lazerlik shoý uıymdastyryp otyrǵan. Al onyń «Ǵarysh operasy» atty albomyn ǵaryshkerler «Mır» orbıtalyq stansasyna ózderimen birge ala barǵan. Mine, osy mýzykant Qazaqstannyń sahnasynda bizdiń áıgili skrıpkashymyzben birge óner kórsetýge nıet tanytqan.
«Ázirge barlyq qupııany jaıyp salmaı-aq qoıaıyn, - deıdi Jámıla. - Alaıda 28 aqpanda Respýblıka saraıyndaǵy shoýdyń qonaqtary kópke deıin umytylmaıtyndaı jaǵymdy áser alatyndaryna senimdimin».
