Frantsýz keden qyzmeti quny 27,4 mln dollardan asatyn Pıkassonyń kartınasyn tárkiledi
ASTANA. QazAqparat - Frantsýz kedenshileri Korsıka aralynda kem degende 27,4 mln dollarǵa baǵalanatyn Pablo Pıkassonyń kartınasyn tárkiledi.
"Jas áıeldiń portreti " kemeden tabylǵan. Onyń kapıtany ıesiniń ruqsatymen Ispanııadan Shveıtsarııaǵa apara jatqanyn aıtty.
Alaıda shyǵarýǵa ruqsat beretin resmı qujatty ol kórsete almady. Sonymen qatar, kartınanyń qujattarynan kedenshiler ıspandyq sottyń bul týyndyny elden shyǵarýǵa tyıym salǵan sheshimin taýyp aldy.
Kartına ıspanııalyq bankır Haıme Botenǵa tıesili, alaıda ıspandyq bılik ony ulttyq qundylyq dep esepteıdi.
Qazir frantsýz kedenshileri Madrıdten kartınany qaıtarýdy resmı túrde suraýyn kútip otyr, dep jazdy Bı-bı-sı.
