Frantsýz kásipkerlerine «Tsıfrly Qazaqstan» baǵdarlamasynyń múmkindikteri tanystyryldy
Boljam boıynsha, 2025 jylǵa deıin tsıfrlandyrýdyń tıimdiligi 1,7-den 2,1 trln teńgege deıin bolatyny kútilip otyr.
«Biz jumysty bes baǵyt boıynsha shoǵyrlandyrdyq. Naqtyraq aıtqanda, ekonomıka salalaryn tsıfrlandyrý, tsıfrly memleket, Digital Silk Way, adamı kapıtaldy damytý jáne ınnovatsııalyq ekojúıeni qurý baǵyttaryna mańyz berip otyrmyz. Birinshi baǵyt aıasynda eńbek ónimdiligi taý-metallýrgııalyq keshende 38,9 paıyzǵa, al óńdeý ónerkásibinde 49,8 paıyzǵa artady dep kútilip otyr», - deıdi Daryn Tuıaqov.
Onyń aıtýynsha, tsıfrly transformatsııa jańa bıznes-protsesterdiń qalyptasýyna jol ashady.
«Kompıýter men mobıldi qosymsha arqyly qol jetimdi bolatyn ashyq tsıfrly alań iske qosyldy. Ol bızneske memlekettik qoldaý tetikterine qol jetkizýge múmkindik beredi. Sonymen birge, Eýrazııalyq ekonomıkalyq komıssııanyń bes memleketinde atalmysh joba óziniń jalǵasyn taýyp, bızneske ózara qarym-qatynas jasaýǵa jáne bes memlekettiń múmkindigin paıdalanýǵa serpin beredi», - deıdi vıtse-mınıstr.
Daryn Tuıaqov óz sózinde frantsýzdyq áriptesterge baǵdarlamanyń Digital Silk Way atty úshinshi baǵytyn júzege asyrýda aýyldar úshin optotalshyqtar jasalyp jatqanyn tilge tıek etti.
«Búgingi kúni Aqparat jáne kommýnıkatsııalar mınıstrligi men «Transtelekom» kompanııalary arasynda jańa kelisimge qol qoıyldy. Ol 1249 aýylǵa (bul jalpy alǵanda 3 700 memlekettik organ bólimshesine) ınfraqurylymdy jetkizýge múmkindik beredi. Biz 20 myń shaqyrymdyq optıkany aýyldarǵa jetkizip, bul qadam qalalar men aýyldar arasyndaǵy alshaqtyqty joıýǵa kómegin tıgizedi», - deıdi ol.
Eske sala ketsek, Frantsııanyń Qazaqstandaǵy Elshisi Fılıpp Martıne búgingi «Tsıfrlyq ekonomıka» forýmynda tsıfrlandyrý jobalary boıynsha frantsýz kásiporyndary Qazaqstanda jumys isteýge daıyn ekenin aıtqan bolatyn.
