Frantsýz ǵalymdary Túrkistannyń týrıstik áleýetin joǵary baǵalady
TÚRKІSTAN. QazAqparat - Túrkistan qalasyna Orta Azııa memleketterin zerttep júrgen ataqty frantsýz ǵalymdary keldi. Qonaqtar áýeli XIV ǵasyr sońynda turǵyzylǵan Q.A.ıAsaýı kesenesi men ondaǵy jádigerlermen tanysty, dep habarlaıdy QazAqparat tilshisi.
Sheteldik ǵalymdar orta ǵasyrda óziniń berik qamalymen máshhúr bolǵan Saýran qalasyna at basyn burdy. Ondaǵy qala tarıhy men shahardyń qurylymy jaıly aqpar aldy. Kezdesý barysynda Túrkistan oblysynyń ákimi Janseıit Túımebaev álem ǵalymdary qyzyǵyp otyrǵan eski Saýran qalasy bolashaqta barlyq týrıster kelip tamashalaıtyn mekenge aınalatynyn aıtty. Sondaı-aq, Túrkistan oblysyna keletin qonaqtarǵa arnaıy týrıstik baǵyttar qurylyp, servıstik qyzmetter jandanatynyn jetkizdi.
Eýropaǵa belgili etnograf, tarıhshy Fransýaza Lenobl bastaǵan frantsýz ǵalymdary odan soń Túrkistanda boı kóteretin jańa ǵımarattar men Q.A.ıAsaýı kesenesi aınalasynda salynatyn shyǵys úlgisindegi eskız jobalarmen tanysty.
Sapar sońynda sheteldik qonaqtar tarıh pen qasıetke baı Túrkistannyń týrıster oshaǵyna aınalatynyna senim bildirdi. Sonymen qatar, týrıst tartý úshin nasıhatty kóbeıtý qajettigin atap ótti. Tarıhı nysandardaǵy aqparattyq júıeler kúsheıtilse, óńirge keletin qonaqtar sany artatynyn jetkizdi.
