Frantsýz depýtattary Notr-Dam shirkeýin qalpyna keltirý týraly zań jobasyn qabyldady
NUR-SULTAN. QazAqparat-TASS - Frantsııanyń ulttyq jınalysy (parlamenttiń tómengi palatasy) órtten zaqymdalǵan Notr-Dam shirkeýin qalpyna keltirý týraly zań jobasyn maquldady, dep habarlaıdy QazAqparat TASS-qa silteme jasap.
Agence France-Presse deregi boıynsha, parlament músheleri zań jobasyn 13 saǵattyq pikirtalastan keıin qabyldaǵan. Budan keıin ol Senattyń qaraýyna jiberiledi. Ol 27 mamyrda ótedi.
Atap aıtqanda, zań jobasynda shirkeýdi jóndeýge kómek kórsetetin adamdarǵa salyqtyq jeńildikter berý týraly aıtylǵan.
Avtorlardyń oıynsha, zań sondaı-aq qalpyna keltirý boıynsha birqatar sheshimder qabyldaýdy jeńildetip, sonyń ishinde memlekettik satyp alý sharasyn ótkizýdiń keıbir normalarynan bosatady. Sonymen qatar, zańda shirkeýdi jóndeý úshin jınalǵan qarajattyń jumsalýyn qadaǵalaý jónindegi arnaıy komıtet qurý kózdelgen.
Eske salaıyq, Notr-Dam shirkeýinde órt 15 sáýir kúni keshkisin shyqqan edi, ony tek kelesi kúni tańerteń ǵana sóndire alǵan bolatyn. Aldyn ala derekter boıynsha, órt ǵımarattyń joǵarǵy bóliginde jóndeý jumystaryn júrgizý kezinde tutanǵan.
