Frantsýz dárigerleri kishkentaı qyzdyń birden jeti ishki organyn aýystyrý otasyn jasady
ASTANA. QazAqparat - Tórt jyl buryn Parıjde bes jasar nemis qyzyna birden ishki jeti organyna kúrdeli ota jasalǵan bolatyn. Osy aptada bıyl toǵyz jasqa tolǵan sol qyz Parıj aýrýhanasyna tekserýden ótýge, atap aıtqanda ýltradybystyq dıagnostıkadan ótýge, synamalar tapsyrýǵa keldi, dep habarlady Rosbalt.
2010 jyly ol qyzǵa birden ishki jeti organyna ota jasalyp, sonyń ishinde baýyry men búıregi aýystyrylǵan bolatyn. Qazir ol ózin sergek sezinedi jáne tolyqqandy ómir súre alady, degenmen ol oqtyn-oqtyn óziniń jańa organdarynyń qyzmetin teksertip turýy tıis.
Bıomedıtsına professory Olıve Basten «2007 jyldan bastap, bizde ishki organdardy aýystyrý boıynsha segiz kúrdeli ota jasaldy. Bul - tamasha jetistik», - dep atap ótti.
Osy segiz otanyń ekeýi balalarǵa jasalǵan. Bir qyzdyń ózine birden jeti ishki organy aýystyrylǵan. Kishkentaı nemis qyzy Gırshprýng syrqaty degen sırek kezedesetin aýrýǵa ushyraǵan bolatyn. Ony týǵannan bastap jasandy jolmen tamaqtandyrǵan. Qyzdyń toq isheginiń damýynda kemistik paıda bolyp, kóptegen ishki organdarynyń qalypty jumys isteýi qıyndaǵan.
