Frantsýz basylymy Muhammed paıǵambardyń karıkatýrasyn basty
ASTANA. 20 qyrkúıek. QazAqparat - Frantsııanyń satıralyq Charlie Ebdo («Sharlı Ebdo») aptalyǵy búgingi sanynda Muhammed paıǵambardyń birneshe karıkatýrasyn basty.
Karıkatýrashy, Sharb degen búrkenshik atpen qyzmet isteıtin basylym redaktory karıkatýrany "esinen tanǵysy keletinderdi shoshytady" dep málimdedi. Bul týraly BAG.KZ jazady.
Frantsııanyń syrtqy ister mınıstrligi karıkatýraǵa musylmandardyń narazylyq tanytýy múmkin dep shetelderdegi dıplomatııalyq mıssııalarynyń qaýipsizdigin kúsheıtýge tapsyrma berdi.
Karıkatýra AQSh-ta túsirilgen ıslamǵa qarsy "Musylmandardyń kúnásizdigi" atty fılmge álem musylmandary narazylyq tanytyp jatqan tusta jaryq kórip otyr. Birneshe elderde musylmandar atalǵan fılmge qarsylyq tanytyp, onyń saldarynan túrli elde jıyny 19 adam qaza tapty. Olardyń arasynda AQSh-tyń Lıvııadaǵy elshisi men úsh dıplomaty bar.
