Frantsýz áıeli baqılyq bolǵan jigitine turmysqa shyqpaqshy
ASTANA. QazAqparat - 48 jastaǵy frantsýzdyq Paskal Lıar osydan eki jyl buryn ómirden ótken óziniń kúıeý jigitine turmysqa shyqpaqshy, dep habarlaıdy kp.ru Times basylymyna silteme jasap.
Onyń toıyna ruqsatty prezıdent Ollandtyń ózi bergen. Úılenetin jigittiń ómirden ótip ketýine baılanysty, bul iske memleket basshysynyń ózi aralasqan. Kúıeý jigit Mıshel eki jyl buryn júregi ustap, qaza bolǵan. Soǵan qaramastan, Paskal oǵan turmysqa shyǵý úshin qoldan kelgenniń bárin jasady. Frantsııa jer sharyndaǵy tirilerdiń óli adamdarmen úılenýine ruqsat beretin az elderdiń qatarynan.
«Bul eń qarapaıym úılený toıy bolady. Aıyrmashylyǵy toıda Mısheldiń ornyna onyń sýreti qatysady. Ol qasymda bolmasa da, men úshin onyń orny bólek», - deıdi Paskal Lıar.
Frantsııada marqumdarmen nekege turý úshin prezıdenttiń jeke ruqsaty kerek. Ruqsat tek nekeniń shynaıy múmkin ekendigin dáleldegen kezde beriledi. Paskal Elıseı saraıyna onyń Mıshelǵa turmysqa shyǵýyna ruqsat etýin surap, tórt hat joldaǵan. Kúıeý jigittiń ólimi prezıdenttiń 2012 jyly prezıdenttik kampanııasynyń aıaqtalýymen tuspa-tus kelgen. Keıin onyń ornyna jańa prezıdent kelip, bir sózben aıtqanda, bul hatqa qaraıtyn ýaqyty bolmaǵan. «Tórtinshi ret joldanǵan ótinishti qaraýǵa Fransýa Ollandyq qoly endi ǵana bosaǵan» delingen basylym taratqan habarda.
