Frantsýz ánshisi Barbara Veldensti sahnada toq soǵyp, ajal qushty
ASTANA. QazAqparat - Sahnada óner kórsetip jatqan frantsýz ánshisi jáne kompozıtory Barbara Veldensti elektr toǵy soǵyp, qaza tapty.
Bul týraly AFP habarlady.
Qaıǵyly jaǵdaı beısenbide, túnde Frantsııanyń ońtústik-batysyndaǵy Gýrdon kommýna soborynda ótip jatqan mýzykalyq festıval kezinde bolǵan. Oqıǵa ornyna kelgen dárigerler 35 jastaǵy ánshiniń júregi toq soqqan sátte toqtaǵandyǵyn aıtty.
Jergilikti prokýratýra osy fakti boıynsha tergeý jumystaryn bastady.
Barbara Veldens 2016 jyly Jak Brel atyndaǵy festıvalde jas talanttar baıqaýynda jeńiske jetken edi. Ol óziniń alǵashqy stýdııalyq albomyn 2017 jyldyń 3 aqpan kúni shyǵardy.
