Frantsýz akteri Jan Pol Belmondo dúnıeden ozdy
PARIJ. QazAqparat - Frantsýz akteri Jan Pol Belmondo ómirden ozdy. Onyń jasy 88-de bolatyn, dep habarlaıdy QazAqparat Euronews agenttigine silteme jasap.
Onyń ólimi jaıly advokaty resmı málimdeme taratty.
Jan Pol Belmondo 1933 jyldyń 9 sáýirinde Parıj mańaıyndaǵy Neıı sıýr-Sen degen jerde dúnıege kelgen.
Ol alǵash ret rejısser Jan Lıýk Godardyń «Sońǵy dem» (1958 jyl) atty fılminde oınap, sol arqyly kópshilikke keńinen tanymal boldy.
1959 jyly Belmondo Vıttorıo De Sıktiń «Chochara» fılminde basty róldi somdap, amerıkalyq Oskar kınojúldesin ıelendi.
Ártis kóbinde Jan Lıýk Godar, Lýı Mal, Fransýa Trıýffo, Klod Shabrol sekildi «jańa tolqyn» rejısserleriniń fılmderinde oınaǵan.
Sondaı-aq kommertsııalyq jobalarda da jıi boı kórsetip júrdi.
1971 jyly ol óziniń Cerito atty kınokompanııasynyń negizin qalady.
2001 jyly ınstýlt alǵan Belmondo teatr men kınodaǵy jumysyn ýaqytsha toqtatýǵa májbúr boldy.
2019 jyldyń 14 shildesinde Frantsııa qurmet legıonynyń ordenimen marapattalǵan.
