Frantsııanyń jarty ǵasyr buryn ushty-kúıli joǵalǵan súńgýir kemesi tabyldy
NUR-SULTAN. QazAqparat – Frantsııalyq zertteýshiler jarty ǵasyr buryn belgisiz sebeptermen joǵalyp ketken «Mınerva» súńgýir kemesin tapty, dep habarlaıdy Naked Science basylymy.
Endi onyń batyp ketýine ne sebep bolǵanyn anyqtaý múmkindigi týdy.
Dızeldi-elektrli «Mınerva» súńgýir kemesi 1968 jylǵy 27 qańtarda Jerorta teńizine batyp ketken. Súńgýir apatqa ushyraǵan kezde onda 52 adam bolǵan.
Frantsýz ǵalymdary men áskerıleri súńgýir kemeni izdep tabýdyń bar qareketin jasady. Biraq osyǵan deıingi ekspedıtsııalardyń birde-biri nátıje bergen joq. 2019 jyly jańa mıssııa qolǵa alyndy. Aldymen Frantsııa áskerı-teńiz kúshteri jáne Ifremer muhıttaný ınstıtýty ókilderiniń qatysýymen izdeý jumystary júrgizildi. Keıin olarǵa Amerıkanyń Ocean Infinity jekemenshik kompanııasy qosyldy.
Frantsııa qorǵanys mınıstri Florans Parlı sýbmarınanyń tabylǵanyn málimdedi. Onyń aıtýynsha, buǵan zamanaýı basqarýshysyz apparattardyń arqasynda qol jetkizilgen.
