Frantsııanyń janarmaı quıý stansalarynda uzyn-sonar kezek paıda boldy

ASTANA. QazAqparat – Frantsııada TotalEnergies qyzmetkerleriniń ereýilge shyǵýy saldarynan janarmaı jetkizýde qıyndyqtar týyndady. Kóptegen stansalarda janarmaı joq, dep habarlaıdy QazAqparat Euronews agenttigine silteme jasap.

Ásirese eldiń soltústigindegi avtokólik júrgizýshileri qatty zardap shekti.

Jumys isteıtin janarmaı quıý stansalaryn izdegen kólikterden uzyn-sonar keptelis paıda boldy.

Jergilikti bıliktiń málimetinshe Frantsııadaǵy janarmaı quıý beketteriniń 15 paıyzynda ǵana shekteýli mólsherde janarmaı bar.

Birqatar basqarmalarda basym mamandyqtardyń avtokólik ıelerine, atap aıtqanda, dárigerlerge arnalǵan janarmaı quıý beketteri qurylǵan.

Joǵary ınflıatsııaǵa baılanysty TotalEnergies qyzmetkerleri jalaqyny kóterýdi talap etip otyr.

Kásipodaqtar munaıshylar tobynyń jyl basynan beri alǵan qyrýar paıdasyna toqtalyp, ony ádil bólýdi talap etedi.