Frantsııanyń Ulttyq jınalysy zeınet jasyn kóterdi
ASTANA. Qyrkúıektiń 11-i. QazAqparat - Frantsııanyń Ulttyq jınalysy zeınetke shyǵý jasyn ózgertýdi qoldap, daýys berdi. Parlamenttiń tómengi palatasy qoldaǵan zeınet reformasyna sáıkes, frantsýzdar 2018 jylǵa qaraı zeınetke qazirgideı 60 jastan emes, 62 jastan shyǵatyn bolady, dep habarlaıdy "GZT.ru" basylymy.
Bul reformany Halyq qozǵalysy keńesi jáne Jańa ortalyq partııasy qoldaǵanymen, solshyldar men sındıkat tarapynan narazylyq týǵyzyp otyr. 1951 jyldan bastan Frantsııada ár jyl saıyn zeınetke shyǵý jasy 4 aıǵa kóterilip keledi. Qazirgi 60 jastyq shek 1983 jyly belgilengen bolatyn.
