Frantsııanyń PSJ komandasy «Chelsıdi» jeńip, Chempıondar lıgasynyń shırek fınalyna shyqty
ASTANA. QazAqparat - Brıtandyq "Chelsı" Chempıondar lıgasynyń 1/8 fınalynyń jaýapty matchynda óz alańynda frantsýzdyq PSJ-dan jeńildi, dep habarlady Vesti.kz.
Londonda "Stemford Brıdj" stadıonynda ótken oıyn 1:2 esebimen aıaqtaldy. Basylym aqparatynsha, esep oıynnyń 17 mınýtynda ashyldy, gol avtory Adrıen Rabo boldy.
27 mınýtta "Chelsı" shabýylyn Dıego Kosta sátti aıaqtady. Birinshi match PSJ (2:1) jeńisimen aıaqtalǵan. Osylaısha, parıjdik klýb 4:2 jalpy esebimen shırek fınalǵa ótti.
Osyǵan deıin "Benfıka" "Zenıtti" óz alańynda jeńip, týrnırdiń kelesi kezeńine ótken. Al oǵan deıin eki oıynda da qarsylastaryn tize búktirgen madrıdtik "Real" men nemistiń "Volfsbýrgi" 1/4 fınalǵa joldama aldy. Chempıondar lıgasynyń 1/8 fınalyndaǵy qalǵan tórt kezdesý kelesi aptada ótedi.
