Frantsııanyń ońtústik-shyǵysynda lańkestik qaýpi saldarynan shirkeýden 800-den astam adam qaýipsiz jerge shyǵaryldy
ASTANA. QazAqparat - Frantsýz polıtsııasy katolıktik Rojdestvo merekesi qarsańynda Bezanson qalasyndaǵy Svıatoı Iosıf ǵıbadathanasynan 800-den astam adamdy qaýipsiz jerge shyǵarýǵa májbúr boldy.
Bul týraly aımaqtyq Est Republicain basylymy habarlady. Polıtsııaǵa shirkeý mańynda kúdikti kólik qaldyrylǵany jaıly habar túsken.
Tártip saqshylary shirkeýdegi adamdardyń barlyǵyn qaýipsiz jerge shyǵardy. Ǵımarat mańynda radıýsy 200 metr qaýipsizdik aımaǵy quryldy. Artynsha kólik ıesi kelgen. Alaıda polıtsııa kólikti teksergenge deıin ony temir tulparǵa jolatpady.
Atap óter jaıt, bıylǵy Frantsııadaǵy Rojdestvo alǵash ret tótenshe jaǵdaı kezinde ótip jatyr. 24 jeltoqsannyń keshinen el boıynsha shirkeý kúzeti kúsheıtildi. Dinı nysandardyń qaýipsizdigin mýnıtsıpaldyq polıtsııadan bólek 50 myń polıtseı qamtamasyz etedi, dep habarlady TASS.
Qalalarda táýlik boıy kezekshilik ótkizý úshin 120 myń polıtseı, jandarm jáne áskerıler jumyldyryldy.
