Frantsııanyń ońtústiginde terrorıstik qaýiptiń eń joǵary deńgeıi jarııalandy
ASTANA. QazAqparat - 80 adamnyń ómirin qıǵan Nıtstsadaǵy shabýyldan keıin Teńiz jaǵalaýy Alpisi departamentinde terrorıstik qaýip deńgeıi eń joǵarǵy deńgeıge kóterildi. Bul týraly RIA Novostı Frantsııa ІІM basshysy Bernar Kaznevke silteme jasap habarlady.
«Departamentte terrorızmge qarsy Vigipirate josparynyń deńgeıin "terakt-qaýpi" deńgeıine deıin kóterýdi sheshtik», - dedi mınıstr. Sondaı-aq ol Nıtstsada qaýipsizdik jáne qaza tapqandardyń týystary men jaqyndaryna degen qurmet retinde aldaǵy ýaqytqa josparlanǵan sharalar ótpeıtinin aıtty.
Kaznev bılik qaýipsizdikti qamtamasyz etý úshin qoldan kelgenin jasap jatqanyn aıtty. Ol eldegi terakt qaýpi joǵary ekenin jetkizdi.
