Frantsııanyń ońtústiginde bolǵan atystan 4 adam mert boldy
ASTANA. QazAqparat - Qandy oqıǵa «Nýaıon» temirjol vokzaly aýdanynda boldy, dep jazady BELTA.
Vokzalda júrgen adamdarǵa atylǵan oqtan 4 adam mert boldy. Qarýly shabýyldyń saldarynan áıel men onyń 3 jáne 5 jastaǵy balalary qurban boldy. Olardyń barlyǵy jergilikti turǵyndar. Sońynan taǵy tórtinshi adamnyń qurban bolǵany belgili boldy.
Atysty uıymdastyrýshylar týraly málimetter ekige bólinip otyr. Buqaralyq aqparat quraldarynyń biri shabýyldaýshylardyń ekeý bolǵany jáne bireýiniń oqıǵa ornynan qashyp ketkeni týraly jazsa, taǵy bir aqparat quraldarynda qurban bolǵan tórtinshi azamattyń shabýyldaýshylardyń biri bolǵandyǵy aıtylady. Ol mert bolǵandardyń týysy nemese jaqyny bolǵan. Ol aldymen óziniń otbasy múshelerin atyp óltirip, artynan ózine qol salǵan.
Oqıǵa ornynda polıtsııanyń jedel ókilderi júmys istedi. Vokzal ǵımaraty qorshaýǵa alynyp, oqıǵa izin sýytpastan izdestirý jumystary bastalǵan. Qandy oqıǵanyń sebep-saldary ázirge belgisiz.
