Frantsııanyń ońtústiginde belgisiz bireýler adamdarǵa oq jaýdyrdy
ASTANA. QazAqparat - Frantsııanyń ońtústigindegi Týlýza qalasynda belgisiz top kópshilik arasynda atys jasady. Shabýyl saldarynan bir adam qaza taýyp, alty adam túrli jaraqat aldy, dep habarlaıdy Franceinfo.
Skýter jáne mototsıklmen kelgen shabýylshylar kóshedegi bir top adamǵa oq jaýdyryp, artynsha izin sýytqan. Kúdiktilerdiń biri dástúrli musylman kıiminde bolǵandyǵy anyqtaldy.
Polıtsııa lańkestik áreket pen oq jaýdyrýdy «esep aıyrysý» dep baǵalap otyr. BAQ málimetinshe, qaıtys bolǵan azamatty polıtsııa qyzmetkerleri tanıtyn bolyp shyqty, ol byltyrǵy jyly adam óltirdi degen kúdikpen ustalǵan bolatyn.
Buǵan deıin frantsýzdyq Avınon kommýnasynda belgisiz bireýler meshit mańyndaǵy adamdarǵa oq jaýdyrǵan. Saldarynan segiz adam zardap shekti.
