Frantsııanyń Lıll qalasynda belgisiz bireý atys uıymdastyrdy
ASTANA. QazAqparat - Frantsııanyń Lıll qalasynda atys bolyp, úsh adam jaraqat aldy. Zardap shekkenderdiń ishinde 14 jastaǵy jasóspirim bar.
La Voix du Nord basylymy habarlaǵandaı, atys qalanyń ońtústigindegi Porte d'Arras metrosy stansasy aýmaǵynda boldy. Jergilikti bılik Franceinfo basylymynyń aqparatyn rastady.
14 jastaǵy jasóspirimniń aıaǵyna oq tıgen. Taǵy bireýi moınynan jaraqat aldy. Olar aýrýhanaǵa jetkizildi. Úshinshi adam Saint-Vincent-de-Paul aýrýhanasyna ózi barǵan.
France Bleu Nord radıosy oq atqan adam oqıǵa ornynan boı tasalaǵanyn habarlady. Radıostansanyń aqparatyna sáıkes, atys polıtsııa jumys isteıtin oryndaǵy avtoturaqta bolǵan. Ol jerden on shaqty gılza tabyldy.
La Voix du Nord aqparatyna súıensek, aldyn ala derekke sáıkes oq atqan adam bireýmen esep aıyryspaqshy bolǵan.
