Frantsııanyń konstıtýtsııalyq soty baılarǵa arnalǵan joǵary salyqty bekitti
ASTANA. 30 jeltoqsan. QazAqparat - Frantsııada joǵary sot ınstantsııasy baılarǵa asa joǵary mólsherde salyq salý zańynyń sońǵy nusqasyn maquldady, dep habarlady Associated Press. Ony prezıdent Fransýa Olland usynǵan bolatyn.
Bastapqyda ol jeke tabystyń 75 paıyzyna salyq salýdy usynǵan, alaıda Konstıtýtsııalyq keńes bir jyl buryn bul áreketti konstıtýtsııaǵa qaıshy dep tapty.
Sodan keıin F.Olland ákimshiligi zań jobasyn qaıta ázirledi. Ol boıynsha 75 paıyzdyq salyqty jumys berýshi tóleıdi. Al jylyna 1 mln. eýrodan astam tabys tabatyndarǵa salyq salynady. Taıaýda sot bul nusqanyń Konstıtýtsııaǵa sáıkes dep qaýly etti.
Mundaı salyq saıasatyna qarsy bolyp, bul zań qabyldansa kóteriliske shyǵamyz dep jarııalaǵan fýtbol klýbtaryna eshqandaı jeńildik jasalǵan joq. Kásibı klýbtarǵa jańa zań jobasy boıynsha jylyna 44 mln. eýro salyq salynady.
Aıta keterligi, mundaı salyq saıasaty kezinde Jerar Depardeniń Frantsııadan ketýine sebep boldy. Jyldyń basynda ol Reseı azamattyǵyn alý úshin qujattaryn tapsyrdy. Qańtardyń altysynda-aq J.Depardege RF azamatynyń pasporty berildi.
