Frantsııanyń kásipkerlik ortasynda Elbasynyń Joldaýy talqylandy
ASTANA. QazAqparat - Elshi Jan Ǵalıev Qazaqstan-frantsýz iskerik keńesi hatshylyǵy jáne Frantsııa «MEDEF» kásipkerlik qaýymdastyǵynyń múshelerimen kezdesti, dep habarlaıdy QazAqparat QR SІM baspasóz qyzmetine silteme jasap.
Basqosýǵa Qazaqstan boıynsha «Total» kompanııasynyń vıtse-prezıdenti Terrı Darrıgran, «DV» konsaltıngtik kompanııasynyń prezıdenti Dennı Verre jáne «MEDEF International» qaýymdastyǵynyń dırektory Jeraldın Lamble qatysty.
Kezdesý barysynda Frantsııa men Qazaqstan múddelerin oraılastyra otyryp Memleket basshysy Joldaýynyń negizgi baǵyttary talqylandy. Taraptar ekonomıkany tsıfrlandyrý, agroónerkásiptik keshen, logıstıkalyq ınfraqurylym, «Aqyldy qala» salalary jáne bilim berý baǵdarlamalarynda ekijaqty yntymaqtastyqty tereńdetýdegi úlken áleýetti atap ótti.
Joldaýdyń mátini Іskerlik keńes hatshylyǵymen kásipkerlik qaýymdastyǵyna kiretin barlyq frantsýz kompanııalaryna taldaý jáne Qazaqstannyń jańa maqsattary men mindetterine sáıkes keletin jobalarǵa qatysý boıynsha naqty usynystar ázirleý úshin taratylatyn bolady.
Talqylaýdyń qorytyndysy boıynsha J. Lamble «MEDEF» alańynda Qazaqstanmen yntymaqtastyqqa múddeli orta bıznespen dóńgelek ústel uıymdastyrýdy usyndy. Taraptar sondaı-aq bıznes-ahýaldy jetildirý boıynsha Keńes hatshylyǵymen ınvestorlardyń usynystaryn daıyndaý tájirıbesin jalǵastyrýǵa kelisti.
