Frantsııanyń hokkeıden jasóspirimder quramasy Qazaqstannan oısyraı jeńildi
PARIJ. QazAqparat – Hokkeıden jasóspirimder arasyndaǵy álem chempıonaty aldynda (1A) Qazaqstan quramasy keleshek qarsylasy jáne týrnır ıesi – Frantsııa komandasyna qarsy match ótkizdi. QazAqparat bul týraly Qazaqstan hokkeı federatsııasyna silteme jasap habarlaıdy.
Qazaqstandyqtar basymdyqty birden qolǵa alyp, qatarynan eki shaıba soqty. Esepti Davlat Nurkenov ashty, keıin Egor Levkovets mergendik tanytty.
Ekinshi kezeń basynda Nıkıta Sıtnıkov taǵy bir soqty, al bes mınýt ótken soń dýbl jasady. Qarsylastyń qaqpasyna besinshi shaıbany Roman Bolshedvorskıı engizdi.
Úshinshi kezeńde gol avtory Kırıll Kankın atandy. Frantsýzdyq qurama oıyn aıaqtalarǵa 6 mınýt qalǵanda Vladımır Nıkıtınniń qaqpasynan sańylaý taýyp ketti. Alaıda, Egor Levkovets Qazaqstan quramasynyń atalǵan matchtaǵy jetinshi upaıynyń avtory atandy. Degenmen, alań ıeleri oıyn aıaqtalar tusta esep aıyrmashylyǵyn jaqyndata aldy, esep – 2:7. Jeńis – qazaqstan quramasynda.
Foto: press-slýjba KFH
