Frantsııanyń eks-prezıdenti Nıkolıa Sarkozı appelıatsııa sotynda jeńilip qaldy
Ol osydan eki jyl buryn 3 jylǵa sottaldy, alaıda onyń eki jylyn shartty túrde óteıdi.
Parıj apellıatsııalyq soty Sarkozıdi túrmede otyrmaı, bir jyl úı qamaýynda ótkizýge úkim shyǵardy. Sondaı-aq, onyń qaıda júrgeni elektrondyq brasletpen qadaǵalanady.
2021 jyldyń 1 naýryzynda sot Sarkozıdi 2014 jyly tyń tyńdaý isi boıynsha úsh jylǵa sottaýǵa úkim shyǵardy.
Ol kezde Sarkozı men onyń advokaty Terrı Erzog prokýror Jılber Azıberden taǵy bir istiń tergeýi boıynsha aqparatty zańsyz jolmen almaq bolǵany úshin kináli dep tanylǵan edi.
Ol is - 2007 jylǵy prezıdenttik naýqandy L'Oreal negizin qalaýshysynyń qyzy Lılıan Bettankýrdyń zańsyz qarjylandyrýy.
Tergeý málimetteri boıynsha, Sarkozı men Erzog aqparat alý úshin Monakoda laýazymdy qyzmetke ýáde etip, ony oryndamaǵan.
Prokýratýrada bul epızodty sybaılas jemqorlyqtyń kórinisi retinde qarastyrdy.
Sarkozıdiń advokattary sheshimge shaǵymdandy, al bul isti sot qarap jatqanda burynǵy prezıdent bostandyqta júrdi.
67 jastaǵy Sarkozı Frantsııanyń túrmege jabylǵan alǵashqy burynǵy prezıdenti boldy. Nıkolıa Sarkozı 2007 jyldan bastap bir ret bes jyldyq merzimge prezıdent bolyp saılandy.
Ol ımmıgratsııaǵa qarsy qatań saıasat júrgizdi jáne álemdik qarjy daǵdarysynan qatty zardap shekken Frantsııa ekonomıkasyn reformalaýǵa tyrysty.
