Frantsııanyń eki ushaǵy aljırlik ushaqty izdeýge jiberildi
ASTANA. QazAqparat - Qazirgi sátte Afrıkadaǵy 2 frantsýzdyq ushaq Air Algerie ushaǵyn izdeýge jiberildi, dep habarlady Frantsııa áskeriniń ókili Jıl ıAron.
Bul týraly Independent-ke silteme jasap RBK habarlaıdy.
Budan buryn habarlaǵanymyzdaı, Radardan joǵalyp ketken Air Algerie avıakompanııasynyń ushaǵy aldyn ala boljamdarǵa qaraǵanda, Nıger astanasy - Nıameı qalasynyń mańynda qulaǵan. Ushaq Ýagadýgý - Aljır reısimen ushqan. Onyń bortynda keminde 100 jolaýshy men alty ekıpaj múshesi bolǵan. France 24 telearnasynyń habarlaýynsha, jolaýshylardan 50 adam frantsýz azamattary bolyp tabylady.
