Frantsııanyń densaýlyq saqtaý mınıstri: Koronavırýs pandemııaǵa aınalyp ketýi múmkin
BRıÝSSELЬ. QazAqparat – Frantsııa densaýlyq saqtaý mınıstri Olıve Veran seısenbi kúni Qytaıdaǵy koronavırýs indetiniń búkil álemge taralý «qaýpi» týraly aıtty, dep habarlaıdy QazAqparat menshikti tilshisi Reuters agenttigine silteme jasap.
«Bul jumys barysyndaǵy boljamym, sondaı-aq is júzinde de qaýip bar», - dedi Veran France Info radıostansasynyń efırinde.
Ol Frantsııanyń barlyq múmkindikterdi paıdalanýǵa daıyn ekenin, al densaýlyq saqtaý júıesiniń aıtarlyqtaı senimdi jáne jaqsy jabdyqtalǵanyn atap ótti.
Mınıstr vıýrs juqtyrǵan tórt naýqastyń Frantsııa aýrýhanasynda jatqanyn atap ótti.
80 jastaǵy qytaılyq týrıst Frantsııada ótken aptada koronavırýstan qaıtys boldy. Bul Eýropadaǵy alǵashqy jaǵdaı boldy. Qytaıda qaıtys bolǵandar sany 1 868 adamǵa ósti.
Dúnıejúzilik densaýlyq saqtaý uıymynyń (DDSU) málimetinshe, pandemııa – álemdik aýqymdaǵy jańa aýrýdyń taralýy.
Dúısenbi kúni DDSU tótenshe jaǵdaılar jónindegi baǵdarlamalardyń atqarýshy dırektory Maıkl Raıan koronavırýsty pandemııaǵa jatqyza ma degen suraqqa bylaı dep jaýap berdi: «Vırýstyń Qytaı aýmaǵynan tys berilip jatqanyn baıqap turmyz ba degen suraqqa jaýap berýimiz kerek. Qazirgi ýaqytta mundaı jaǵdaı bolyp jatqan joq».
Avtory Tımýr Dúısekeev
