Frantsııanyń bıýdjet máseleleri boıynsha burynǵy mınıstri óz áreketimen respýblıkaǵa opasyzdyq jasap otyr - F.Olland
PARIJ. 3 sáýir. QazAqparat - Frantsııa Prezıdenti Fransýa Olland eldiń bıýdjet máseleleri boıynsha burynǵy mınıstri Jerom Kaıýzak óz áreketimen respýblıkaǵa opasyzdyq jasap otyr, dep málimdedi.
Bul týraly Frantsııa Prezıendti búgin óziniń ultqa joldaǵan beıne-úndeýinde aıtty.
«J.Kaıýzak kinásizdik prezýmptsııasynan basqa eshqandaı qorǵaý alǵan joq jáne ol sot aqparaty belgili bolǵan bette úkimetten meniń suraýym boıynsha ketti», - dedi F.Olland.
Onyń aıtýynsha, mınıstr J.Kaıýzak keshirilmes qate jasaǵan jáne Frantsııaǵa opasyzdyq jasaǵan. Sonymen birge, Frantsııa basshysy barlyq jemqorlyq úshin sottalǵandarǵa memlekettik laýazymdar atqarýǵa tyıym salynatyn bolady, ári taıaý arada tıisti zań jobalary daıyndalady dep jetkizdi.
«Mediapart» aqparattyq portaly UBS shveıtsar bankinde mınıstrdiń qupııa shoty bolǵandyǵy, shottan qarajattar Sıngapýrǵa aýdarylǵandyǵy týraly habarlaǵannan keıin 2013 jyldyń basynda J. Kaıýzakqa qatysty tergeý bastaldy. Naýryz aıynda mınıstr qyzmetten ketý týraly ótinish berdi.
Sońǵy ýaqytqa deıin mınıstr osyndaı shottyń bolýy týraly málimetti teriske shyǵaryp keldi, alaıda, aýdıojazbanyń paıda bolýy onyń sózderine kúdik týǵyzdy, osydan keıin Parıj prokýratýrasy aqsha jymqyrý jáne salyq tóleýden jaltarý boıynsha is qozǵady.
Ústimizdegi jyldyń 2 sáýirinde Frantsııanyń bıýdjet máseleleri boıynsha mınıstri Shveıtsarııada 600 myń eýro somasynda shoty bar ekendigin moıyndady. J. Kaıýzak Frantsııanyń bıýdjet máseleleri boıynsha mınıstri qyzmetin 2012 jyldyń 16 naýryzynan bastap atqarǵan.
