Frantsııanyń burynǵy prezıdenti múlkin satylymǵa qoıdy
ASTANA. 1 qazan. QazAqparat - Frantsııanyń burynǵy prezıdenti Valerı Jıskar d'Esten Klermon-Ferran qalasy mańyndaǵy Shanon eldi mekeninde ata-teginiń shatosyn satý sheshimin jasady.
Sondaı-aq ol jıhaz, úı kerek-jaraqtary men óner aspaptaryn bássaýdaǵa shyǵardy, dep habarlaıdy BBC News.
Jalpy aýktsıonǵa 400-ge jýyq zat usynyldy. Saýdaǵa qoıylǵandardyń ishinde negizinen 19 ǵasyrdyń basy men orta kezeńine tıesili músinder, kartınalar men qysh buıymdar, ústelder jáne basqa da zattar bar. Frantsııanyń burynǵy prezıdenti bássaýdadan 400 myńǵa jýyq eýro alýdy josparlap otyr. Al shatonyń ózi 1,6 mln. eýroǵa baǵalanýda.
Valerı Jıskar d'Esten 1974-1981 jyldar aralyǵynda Frantsııanyń prezıdenti bolǵan edi.
