Frantsııanyń bosqyndar lagerinen shý shyqty
ASTANA. QazAqparat - Frantsııa soltústigindegi Dıýnkerk qalasy mańynda ornalasqan bosqyndar lagerinde tártipsizdikter oryn aldy. TJ saldarynan zardap shekkender bar, dep habarlady TAS agenttigi Le Figaro gazetine silteme jasap.
Lagerde La-Mansh buǵazy arqyly Ulybrıtanııaǵa jetýdi armandaıtyn myń jarymǵa jýyq aýǵandyqtar men kúrdter ómir súrýde. Aldyn ala boljam boıynsha, janjal túrli etnıkalyq toptar arasynda týyndaǵan. Ony toqtatý úshin polıtsııanyń aralasýyna týra keldi.
Tártip saqshylary oıran salýshylarǵa qarsy kózdi jasaýratatyn gaz ben taıaq qoldanǵan. Qaqtyǵystan eń kemi alty adamnyń jaralanǵany habarlandy.
