Frantsııanyń Atlant muhıty jaǵalaýynda delfınder jappaı qyrylyp jatyr

ASTANA. QazAqparat - Ekologtar sý janýarlarynyń jappaı qyrylýyn aýa raıy jaǵdaıy men balyq aýlaýmen baılanystyryp otyr, dep habarlaıdy QazAqparat Euronews agenttigine silteme jasap.

Atlant muhıty jaǵalaýyndaǵy jaǵajaılarda delfınderdiń birneshe ondaǵan óleksesi tabyldy. Sońǵy úsh kúnde Il-de-Re jaǵajaılaryna kem degende on bes kıt tárizdini sý shaıyp shyqty.

«Ekojúıeniń bir bóligi bolyp tabylatyn delfınderdi jaqsy kóremiz. Olar biz úshin mańyzdy. Bul alǵashqy jaǵdaı emes - jaǵalaýda óli janýarlardyń kóp bolýy qatty alańdatady», - dedi Ars-an-Re meriniń birinshi orynbasary Eten Kaıo.

«Sea Shepherd» ekologııalyq uıymynyń belsendileri Eýroodaqtyń Frantsııany jappaı balyq aýlaýdy toqtatýǵa májbúrleıdi degen úmitpen delfınderdiń ólekselerin Strasbýrgtegi Eýroparlament ǵımaratynyń aldyna qoıdy.

Foto: Willy Dabin, Observatoire Pelagis/CNRS/Universite de la Rochelle via AP), apnews.com.