Frantsııalyqtar asyrap alǵan bala aǵasyn Qyrǵyzstannan tapty
BІShKEK. QazAqparat - NTV telearnasynyń «Jdı menıa» habarynyń 28 jeltoqsandaǵy shyǵarylymy frantsııalyq balanyń taǵdyryna arnaldy. Bala óziniń týystaryn Qyrǵyzstannan tapty, dep habarlaıdy «Kabar» agenttigi.
Kırıll Nıkol Morshty eki jasynda frantsýz otbasy asyrap alady. Kóp jyldar boıy óziniń tegi týraly bilgisi kelgen bala Jańa jyl qarsańynda Aıaz ataǵa emes, «Jdı menıa» habarynyń redaktsııasyna hat jazady.
Habar avtorlary Kırıldiń týystaryn, Oshta turatyn 16 jastaǵy aǵasy Aqylbekti taba aldy. Kógildir ekran arqyly bir-birin kórgen balalar kóz jasyna erik berip, mindetti túrde kezdesýge ýáde etti.
Balalardyń anasy Tolqynaı Máskeýde tıyn-teben úshin eńbek etip júrip, Kırıldi ómirge ákeledi. Ókinishke qaraı, bosanǵannan keıin kóp uzamaı áıeldiń derti asqynyp kóz jumady.
Osy oqıǵa áleýmettik jelide qyzý talqyǵa túsip, Kırıldi baǵyp-qaǵyp otyrǵan frantsýz otbasyna alǵysyn jaýdyrdy. Rıza bolǵandyǵy sonshalyq, tipti balanyń frantsýz anasy men ájesine uqsaıtyn tustaryn tapqandar da boldy.
