Frantsııalyq saıahatshy bóshkemen Atlant muhıtyn kesip ótti
NUR-SULTAN. QazAqparat - Frantsııalyq qart saıahatshy Jan-Jak Saven bóshkemen Atlant muhıtyn kesip ótti, dep habarlaıdy QazAqparat France 24 basylymyna silteme jasap.
72 jastaǵy Saven saıahatyn jeltoqsan aıynda Kanar araldarynan bastaǵan. Araǵa birneshe aı salyp Karıb teńizinen bir-aq shyqty.
«122 kún jáne 9 saǵattan keıin Karıb teńizi alabyn bildiretin merıdıandy kesip óttim. Saıahatym aıaqtaldy. Barshaǵa rahmet!», - deıdi qart saıahatshy.
Savenniń bóshke tárizdi kemesi - uzyndyǵy 3 metr, eni 2,10 metr keletin tsılındr. Onyń jelkeni de joq. Ol qalyń shereden jasalǵan. Salmaǵy - 450 kg. Іshinde tósek, shaǵyn ashana, teńiz kartalaryna arnalǵan ústel jáne navıgatsııa qurylǵysy bar.
