Frantsııalyq rep-oryndaýshy Shavkat Rahmonov týraly trek shyǵardy
ASTANA. QazAqparat - Frantsııalyq rep-oryndaýshy Freeze Corleone jańa klıp jarııalady, dep habarlaıdy Prosports.kz.
Trek Shavkat dep atalady jáne qazaqstandyq UFC faıteri Shavkat Rahmonovqa arnalǵan.
Aıta keteıik, jarııalanǵannan keıin birneshe saǵat ishinde «Shavkat» ánine túsirilgen klıp YouTube hostınginde 300 myńnan astam qaralym jınaǵan. Al qazirgi sátte, ıaǵnı 14 saǵattan soń onyń qaralymy 600 myńǵa jýyqtady.
Eske salaıyq, Shavkat Rahmonov kelesi jekpe-jegin UFC ardageri Kevın Gastelýmǵa qarsy 16 qyrkúıekte Las-Vegastaǵy týrnırde ótkizedi.
