Frantsııalyq Kalede mıgranttardyń lagerleri qulatyla bastady
BRıÝSSELЬ. QazAqparat - Bir top jumysshy Frantsııanyń soltústigindegi Kalede mıgranttarǵa arnalǵan apattyq lagerdegi qurylystardy qulatýǵa kiristi, dep habarlady QazAqparat frantsııalyq AFP-ge silteme jasap.
Qıratylǵanǵa deıin onda 6 myńnan 10 myńǵa deıin mıgrant turǵany atalyp ótildi. Negizinen bul Sýdan, Somalı, Efıopııa, Aýǵanstan, Pákistan jáne Iraktan barǵandar.
Lager turǵyndaryn jańa jerge kóshirý dúısenbi kúni tańerteń bastalǵan. Syrý jumystary bastalǵanǵa deıin birneshe kún buryn frantsııalyq bılik mıgranttardy arnaıy qurylǵan beketterge tirkelýge shaqyrǵan paraqshalar taratty. Ol jerden olardy Frantsııanyń ózge óńirlerindegi bosqyndardy qabyldaý ortalyqtaryna kóshiredi.
