Frantsııalyq France Presse aqparat agenttigi óziniń 70 jyldyǵyn atap ótti
ASTANA. QazAqparat - Dúısenbi kúni Parıjde Agence France Presse óziniń 70 jyldyq mereıtoıyn atap ótti. Bul aıtýly datamen agenttik basshylyǵy men onyń qyzmetkerlerin Frantsııa prezıdenti Fransýa Olland quttyqtady, dep habarlaıdy TASS.
El basshysy mereıtoıǵa baılanysty óziniń izgi tilekterin AFP-tiń janynda ornalasqan Bronıar saraıynda uıymdastyrylǵan saltanatty jıynda bildirdi.
"AFP aqparat taratýda ózini táýelsizdigimen ári senimdiligimen áıgili. Agenttik kúnine 5 myńǵa jýyq aqparat pen 3 myńǵa jýyq fotosýretter taratady", - dep atap ótti Olland.
Sondaı-aq ol bul mereıtoıdyń asa mańyzdy ekenin, baspasóz bostandyǵyn qoldaıtynyn aıtty.
Al Agence France Presse prezıdenti Emmanıýel Og álemniń dál qazirgi sátte baısaldy ári senimdi aqparattardy asa qajetsinip otyrǵanyna toqtaldy.
"AFP-tiń álem boıynsha 200-ge jýyq bólimsheleri bar. Agenttik álemdegi aqparat alpaýyttarynyń biri bolyp tabylady", - dedi ol.
