Frantsııalyq erli-zaıypty qazyna taýyp aldy
NUR-SULTAN. QazAqparat – Frantsııanyń Bretanı óńirinde turatyn erli-zaıypty qazyna taýyp alǵan, dep habarlaıdy QazAqparat Le point basylymyna silteme jasap.
Olar birneshe ondaǵan jyl boıy turyp jatqan úıin jóndeýge sheshim qabyldaǵan. Eń aldymen eki bólmeni biriktirmek bolǵan.
Jumysshylar qabyrǵany qulatyp, tóbelik arqalyqty opyra bastaǵan, biraq kenetten edenge bir nárse qulap túsken.
Qulap túsken zattar jarqyraǵan altyn monetalar bolyp shyqty. Onda XIV patsha Lıýdovıktiń aıqyn beınesi kórinedi.
Erli-zaıyptylar ózderi taýyp alǵan biregeı qazyna týraly dereý prefektýraǵa habarlaǵan. Olardyń úıine qazynany zertteıtin arheologııa qyzmetiniń mamandary birden kelgen. Olar tabylǵan barlyq monetany túpnusqalyǵyn tekserý úshin ózderimen birge alyp ketti.
Keıinirek qazynanyń XVII ǵasyrǵa jatatyny belgili boldy. Tabylǵan monetalardyń (barlyǵy 200-den astam) baǵdarlanǵan quny 150 myń eýrony quraıdy.
Frantsııa zańy boıynsha, 2016 jyldan keıin úılerden tabylǵan barlyq qazyna men tarıhı oljalar memleketke tıesili. Biraq bul úıdiń ıeleri ony osy zań talaby kúshine enerden kóp ýaqyt buryn satyp alǵandyqtan, tabylǵan zattar olarǵa tolyq kólemde qaıtaryldy.
Baqytty jandar aýktsıonda qazynany satýǵa sheshim qabyldady, al túsken qarajatty teń bólip, tıistisin úsh jumysshyǵa da bermek.
