Frantsııadaǵy jol táýligine eki ret joǵalyp ketedi
ASTANA. QazAqparat - Frantsııanyń atlantıkalyq jaǵalaýynda Vandeıa departamentinde Lýara saǵasynyń mańynda shaǵyn Nýarmýte (Noirmoutier) araly bar.
Onyń uzyndyǵy 18 km, eni - 2-6 km, aýmaǵy - 49 km², turǵyndarynyń sany -10 000 jýyq adamdy quraıdy. Aral materıkten eki shaqyrymdyq jińishke Gýle-de-Fromanten (Goulet de Fromentine) buǵazymen bólingen. Kúnine eki ret, sý qaıtqanda, shamamen bir nemese eki saǵat aralyǵynda ǵana aral men materık arasynda qurǵaqtaǵy jol paıda bolady. Al ózge ýaqytta ony tereńdigi 4 metrge deıingi sý jasyryp turady.
Búginde osyndaı erekshe trassanyń uzyndyǵy 4,5 shaqyrymdy quraıdy. Degenmen joldy sý qaıtqanda ǵana paıdalanýǵa bolady.
Іri aqparattyq tablonyń kóptigine qaramastan, avtomobıl júrgizýshileri jaıaý júrginshiler keıde sý qaqpanyna túsip jatady. Alańǵasar saıahatshylar úshin qutqarý munaralary qurylǵan. Olar munda sý qaıtatyn sátti kúte alady. Alaıda, kólikti qutqarý múmkin emes, dep jazady nat-geo.ru.
