Frantsııadaǵy jaǵdaı kúrdelenip keledi
ASTANA. Qazannyń 19-y. QazAqparat - Frantsııa Prezıdenti eldegi zeınetaqy jasyn eki jylǵa kóterý reformasynan bas tartpaı otyr, dep jazady RBK Daily aptalyǵy.
Aıta ketý kerek, el halqynyń úshten ekisi prezıdenttiń ustanymyna narazylyq bildirýde. Soǵan qaramastan, Sarkozı zeınetaqy reformasyn júrgizýde óz degeninen qaıtpaq emes. Osymen ekinshi aptaǵa sozylyp otyrǵan ereýilder de ony tolǵandyryp otyrǵan joq.
Frantsııadaǵy narazylyq sharalary jalpyulttyq mazmunǵa ıe bolyp otyr. Eldegi ereýilderdiń saldarynan munaı óńdeý zaýyttary jumys istemeı tur. Oǵan qosa úlken júk kólikteriniń júrgizýshileri de jumysqa shyǵýdan bas tartyp, sonyń saldarynan áýejaılar men maı quıý stansalaryna otyn jetkizilmeı qaldy. Osy sebepti elde mýnıtsıpaldyq kólik jumys istemeı tur, oǵan qosa ishki jáne halyqaralyq áýeqatynastarynda da úzilister oryn alýda. Mysaly, Orlı áýejaıynda reısterdiń teń jartysy keıinge qaldyrylsa, qalǵan áýejaılarda - reısterdiń úshten biri keshiktirilýde. Qalalardan qoqystar shyǵarylmaǵaly neshe kún boldy. Temirjol qozǵalysy da oqtyn-oqtyn toqtap qalýda.
Biraq munyń barlyǵy Sarkozıdi tolǵandyryp otyrǵan joq. Dúısenbi kúni ol eldegi qalypty tirshilikti qamtamasyz etý úshin daǵdarysqa qarsy shtab jasaqtady. Jáne otyn jetkizilimin retteýge polıtsııany jumyldyrýǵa ýáde berip otyr.
Esterińizge sala keteıik, frantsýzdar zeınetaqy reformasynyń zeınet jasyn qazirgi 60 jastan 62 jasqa deıin kóterý týraly babyna kelispeı otyr.
