Frantsııadaǵy zeınetaqy reformasy: oppozıtsııa úkimetke senimsizdik votýmyn jarııalamaq

ASTANA. QazAqparat – Myńdaǵan frantsýz rezonans týdyrǵan zeınetaqy reformasynyń daýysqa salynbastan qabyldanýyna qarsylyq bildirý úshin kóshelerge shyqty. Sherýler sońy polıtsııamen qaqtyǵystarǵa ulasty, dep habarlaıdy QazAqparat Euronews-ke silteme jasap.

Buǵan deıin Elızabet Born úkimeti konstıtýtsııanyń 49.3-baby negizinde sheshim qabyldaǵan bolatyn. Besinshi respýblıka tarıhynda 100-ret qoldanylǵan bul ádis zańdy Assambleıada daýysqa salmaı-aq qabyldaýǵa múmkindik beredi. Úkimet sheshiminiń kúshi senimsizdik votýmy arqyly ǵana joıylady.

Ol 49.3-bap kúshine engennen keıin jıyrma tórt saǵatqa jetpeı engizilýi tıis. Oppozıtsııa qazirdiń ózinde senimsizdik votýmyn usynýǵa nıetti ekenin málimdedi.

Al, kásipodaqtar ereýilder men sherýlerdi jalǵastyrýǵa shaqyrdy.