Frantsııadaǵy ushaq apatynan keıin Turkish Airlines ushqyshtarǵa úılenýge keńes berdi
ASTANA. QazAqparat - Turkish Airlines áýe kompanııasynyń bas dırektory Temel Kotıl kompanııada jumys isteıtin boıdaq ushqyshtardy otbasyn qurýǵa shaqyrdy. Kotıldiń pikirinshe, bul áýe apattarynyń oryn alý múmkindigin azaıtady.
Ol mundaı málimdemeni jýyrda Frantsııada Germanwings ushaǵynyń apatqa ushyraýyna baılanysty jasady, dep habarlaıdy sheteldik BAQ. «Qaıǵyly oqıǵa ushqyshtyń qyzy ony tastap ketken soń oryn aldy. Sondyqtan biz boıdaq ushqyshtarǵa úılenýge keńes beremiz», - dedi Turkish Airlines bas dırektory. Esterińizge sala keteıik, germanııalyq Germanwings áýe kompanııasynyń jolaýshylar ushaǵy 24 naýryzda Frantsııanyń ońtústiginde apatqa ushyraǵan. Ushaq bortynda 144 jolaýshy men alty ekıpaj múshesi bolǵan. Olardyń barlyǵy qaza tapty. Tergeý nusqasy boıynsha, ekinshi ushqysh Andreas Lýbıts ushaqty ádeıi taýǵa baǵyttap, apatqa ushyratqan.
