Frantsııadaǵy ushaq apatyna baılanysty Lufthansa áýekompanııasynyń aktsııalary arzandady
ASTANA. QazAqparat - Búgin Frankfýrt qalasyndaǵy bırjada «Lufthansa» áýekompanııasynyń aktsııalary bir qundy qaǵaz úshin 3,04 paıyzǵa deıin qulap, 13,25 eýroǵa arzandady, dep habarlady Rosbalt.
Tańerteń qundy qaǵazdar 2,85 paıyzǵa deıin qymbattap, 14,055 eýro bolǵan. Qundy qaǵazdar baǵasynyń quldyraýy Frantsııanyń ońtústik-shyǵysynda «Germanwings» kompanııasyna tıesili A320 ushaǵynyń apatqa ushyraǵany týraly habar taraǵannan keıin bastalǵan. «Germanwings» - «Lufthansa» kompanııasynyń quramynda.
