Frantsııadaǵy túngi klýb janynda buzaqy Shvetsııa hanzadasynyń basyna judyryqpen qoıyp qaldy
ASTANA. 12 tamyz. QazAqparat - Frantsııanyń Kanny qalasynda túngi klýbtyń kiriberisinde buzaqy Shvetsııa hanzadasy Karl Fılıpp Edmýnd Bertıldiń basyna judyryqpen qoıyp qaldy, dep jazady shvedtiń Local gazeti Stokgolm sotynyń baspasóz hatshysy Bertıl Ternetke silteme jasap.
Bul týraly reseılik «Jańalyqtar» agenttigi habarlady.
«Hanzada shabýylǵa ushyrady, biraq onyń tarapynan arandatýshylyq bolǵan joq. Qazirgi kezde onyń kóńi-kúıi jaqsy, oǵan eshqandaı zaqym kelgen joq», - degen Ternettiń sózin keltiredi gazet.
Oqıǵa Frantsııanyń ońtústigindegi Kanny qalasynda jeksenige qaraǵan túnde boldy. Karl Fılıpp hanzada óziniń dos qyzy Sofııa Hellkvıstpen jáne dostarymen birge Baoli klýbynan shyǵyp kele jatty. Osy sátte belgisiz adam onyń basyna judyryqpen qoıyp qaldy, sodan keıin moınyna jabysty. Karl Fılıppke dos qyzy járdemdespek boldy. Budan keıin klýbtyń aldynda birneshe adam tóbeleske aralasyp ketti, bul kezde hanzada óziniń serik qyzymen qaýipsiz jerge ketken bolatyn.
Karl Fılıpp bılik basyndaǵy Shvetsııa koroli Karl XVI Gýstav pen patshaıym Sılvııanyń otbasyndaǵy ekinshi bala jáne jalǵyz ul. Hanzada taq muragerliginde úshinshi orynda tur.
