Frantsııadaǵy tártipsizdikterden zardap shekken qazaqstandyqtar bar ma

ASTANA. QazAqparat – Syrtqy ister mınıstrliginiń resmı ókili Aıbek Smadııarov Frantsııada bolyp jatqan jappaı tártipsizdikter boıynsha sondaǵy otandastarymyzdyń taǵdyryna qatysty pikir bildirdi, dep habarlaıdy QazAqparat tilshisi.

«Frantsııadaǵy tártipsizdikter boıynsha bizge zardap shekkender nemese kómek suraǵandar týraly habar kelip túsken joq. Jaǵdaı turaqty. Tártipsizdikter tek 1-2 qalasynda, al jalpy Frantsııada tynysh», - dedi Aıbek Smadııarov vedomstvoda ótken baspasóz máslıhatynda.

Eske salsaq, Frantsııada jasóspirim óliminen keıingi ereýilde ustalǵandar sany 421 jetken bolatyn. Munan soń 470-ten astam adam ustalǵany týraly aıtyldy.

Odan bólek, Frantsııa prezıdenti palata tóraǵalary men 220 mýnıtsıpalıtet merin qabyldaıtyny habarlandy.