Frantsııadaǵy tártipsizdik kezinde 470-ten astam adam ustaldy
PARIJ. TASS. QazAqparat – Frantsııanyń quqyq qorǵaý organdary juma kúni tártipsizdik bastalǵannan beri 471 adamdy ustady, dep habarlaıdy QazAqparat TASS aqparat agenttigine silteme jasap.
BFMTV telearnasy ishki ister jáne sheteldegi aýmaqtar mınıstri Jerald Darmanenge silteme jasap habarlaǵandaı, buǵan deıin 270 adam ustalǵany týraly aqparat berilgen, sonyń ishinde 80-nen astam adam Marselde ustalǵan. Juma kúni keshke Marsel meri Benýa Paıan mınıstrden qalaǵa dereý qosymsha tártip kúshin jiberýdi talap etti.
«Marselde tonaý men zorlyq-zombylyqqa jol berilmeıdi. Men bul vandalızm áreketterin qatty aıyptaımyn», - dep jazdy ol Twitter-de.
BAQ habarlaýynsha, qala ústinde barlaý ushaǵy men jandarmerııa tikushaǵy ushyp júr, al kóshelerde qarý ornatylǵan quryshty avtomobılder júr. Agence France-Presse málimetinshe, bılik kóshedegi tártipsizdikti basýǵa mamandanǵan polıtsııa qyzmetkerlerin jiberýi múmkin. Buǵan deıin qalada ondaǵan dúken, sonyń ishinde qarý-jaraq dúkenin tonalǵan bolatyn. Keıinirek urylardyń biri ustalyp, odan ańshylyq myltyq tabyldy.
