Frantsııadaǵy Sharl de Golldiń qabirin búldirýge qatysty bes adam ustaldy
ASTANA.QazAqparat - Seısenbi kúni keshke Frantsııada Besinshi respýblıkanyń negizin qalaýshy jáne birinshi prezıdenti Sharl de Golldiń (1890-1970) qabirin qorlaý isine júrgizilgen tekseris nátıjesinde bes adam ustaldy. Bul jaıly France-Presse (AFP) agenttigi habarlaıdy.
Agenttiktiń habarlaýynsha, olardyń ekeýi - er adam men áıel adam - qazirgi ýaqytta tutqynǵa alynǵan.
Bul jaıly eldiń premer-mınıstri Edýard Fılıpp óziniń Týıtterdegi paraqshasynda «Bul Frantsııaǵa qarsy áreket» dep jazdy.
Oqıǵa 27 mamyr kúni boldy. Belgisiz ekeý de Goll jáne onyń áıeli men qyzy jerlengen (Kolombe-le-dez-Eglız, Frantsııanyń soltústik shyǵysyndaǵy Joǵarǵy Marna departamenti) zırat aýmaǵyna kirgen.
Qaskúnemderdiń biri de Golldiń qabirine ornatylǵan aıshyqty (krestti) qulatyp, jerdi talqandaǵan.
