Frantsııadaǵy sammıtte Eýropanyń reseılik munaı-gazdan bas tartý máselesi talqylanady

NUR-SULTAN. QazAqparat – Eýropalyq Odaqtyń memleket jáne úkimet basshylary Reseıdiń energetıkalyq resýrstaryna táýeldiligin azaıtý úshin reseılik munaı, gaz jáne kómirdi satyp alýdan birtindep bas tartýǵa nıetti. Bul týraly Versaldaǵy Eýroodaq sammıtiniń deklaratsııasynyń jobasynda aıtylǵan. Qujattyń úzindilerin Reuters agenttigi jarııalady, dep habarlaıdy QazAqparat.

«Turaqsyzdyq, strategııalyq básekelestik jáne qaýipsizdik qaterleriniń artýyna baılanysty biz óz qaýipsizdigimiz úshin jaýapkershilikti arttyrý, eýropa elderiniń birligin nyǵaıtý, Reseıdiń munaı-gazyna táýeldilikti tómendetý jolynda senimdi qadam basýdy, 2030 jyly jańa ósim, ınvestıtsııa modelin ázirleýge sheshim qabyldadyq» - delingen qorytyndy qujat jobasynda.

Eske salsaq, AQSh Prezıdent ákimshiligi reseılik energııa tasymaldaýshylardyń ımportyna tyıym salǵan bolatyn. Ol tyıymǵa Reseı munaıy men gazy, kómiri kirdi.