Frantsııadaǵy prezıdent saılaýynyń ekinshi týrynda Makron jeńiske jetti

NUR-SULTAN. QazAqparat- 24 sáýir jeksenbi kúni ótken Frantsııadaǵy prezıdenttik saılaýdyń ekinshi týry ótti, dep habarlaıdy QazAqparat Euronews-ke silteme jasap.

Ekzıtpoldyń aldyn ala nátıjesi boıynsha, Frantsııanyń qazirgi prezıdenti Emmanýel Makron alda kele jatyr. Ol saılaýshylardyń 58% daýysyn jınasa, qarsylasy Marın Le Pen - 42% qoldaýǵa ıe bolǵan. Saılaýǵa turǵyndardyń 70% qatysty dep habarlandy.

Keıin Marın Le Pen saılaýdaǵy óziniń jeńilisin moıyndap, aldaǵy ýaqytta parlamenttik saılaýǵa qatysatynyn jetkizdi.

Eske salsaq, 10 sáýirde ótken Frantsııadaǵy prezıdenttik saılaýdyń birinshi týrynda qazirgi prezıdent Emmanýel Makron 27,4 % daýys jınap, jeńiske jetti. Ekinshi orynda «Ulttyq qaýymdastyq» partııasynyń tóraǵasy Marın Le Pen, ol 24,0 % daýys ıelengen. Eki kandıdat kelesi kezeńge ótken bolatyn.