Frantsııadaǵy prezıdent saılaýynda Makron men Le Pen ekinshi týrǵa ótti
NUR-SULTAN. QazAqparat- 10 sáýir, jeksenbi kúni ótken Frantsııadaǵy prezıdenttik saılaýdyń birinshi týrynyń nátıjesi jarııalandy, dep habarlaıdy QazAqparat Euronews-ke silteme jasap.
Qazirgi prezıdent Emmanýel Makron 27,4 % daýys jınap, jeńiske jetti.
Ekinshi orynda «Ulttyq qaýymdastyq» partııasynyń tóraǵasy Marın Le Pen, ol 24,0 % daýys ıelengen.
Sarapshylardyń boljaýynsha, saıası naýqannyń birinshi týryndaǵy saılaýshylar sany salystyrmaly túrde tómen bolyp shyqty – 74,84 %. Bul kórsetkish 2007 jylǵy saılaýda 83 %-dan astam bolǵan.
Prezıdenttik saılaýdan shyǵyp qalǵan úmitkerlerdiń kópshiligi óz jaqtastaryn ekinshi týrda Emmanýel Makrondy qoldaýǵa shaqyrdy.
Saılaýdyń ekinshi kezeńi eki aptadan keıin – 24 sáýir kúni ótedi.
