Frantsııadaǵy órt medıtsınalyq maskalar qoımasyn joıyp jiberdi
PARIJ. QazAqparat – Parıj mańyndaǵy Bobını qalasyndaǵa qoımalarda senbi kúni túnde bolǵan órtti sóndirýge 150-den astam órt sóndirýshi jumyldyrylǵan, dep habarlaıdy QazAqparat.
Le Parisien gazetiniń jazýynsha, qoımalardyń birinde medıtsınalyq maskalar bolǵan.
Ázirge órtengen maskalar sany da, keltirilgen shyǵyn somasy da habarlanbaı otyr. Belgilisi, órt shamamen jergilikti ýaqyt boıynsha saǵat 05:00- te maskalar qoımasynda bastalyp, keıinnen ózge ǵımarattardy sharpyǵan. Bul aýmaqta negizinen Azııadan ákelinetin kóterme saýda dúkenderiniń ónimderi saqtalatyn bolǵan.
Aldyn ala derekterge qaraǵanda, zardap shekkender joq. Tilsiz jaý birneshe saǵattan keıin aýyzdyqtalǵan. Órttiń shyǵý sebepteri áli anyqtalǵan joq, polıtsııa ádeıi órteý múmkindigin joqqa shyǵarmaı otyr.
