Frantsııadaǵy narazylyq: Kásipodaqtar munaı óńdeý zaýytynyń jumysyn toqtatty
BRıÝSSELЬ. KazAqparat – Frantsııa kásipodaqtary janar-jaǵarmaıdyń zárýligin týdyrý maqsatynda munaı óńdeý zaýyttarynyń jumysyna tosqaýyl qoıýǵa tyrysyp jatyr, dep habarlaıdy «QazAqparat» HAA menshiktiń tilshisi Reuters agenttigine silteme jasap.
Munaı óńdeý zaýyttarynyń jumysyna tosqaýyl qoıý sharalary bir aıǵa sozylǵan qoǵamdyq kólik júrgizýshileri ereýilderiniń Frantsııa bıliginiń zeınetaqy reformasynan bas tartýǵa kóndire almaýynan bastaldy.
Qazirgi tańda qýaty 140 myń barrel munaı óndirýge nemese elde óndiriletin otyn kóleminiń 10% óndiretin Fos-sıýr-Mer munaı óńdeý zaýytynyń jumysyn toqtady.
Qorshaǵan ortany qorǵaý mınıstrligi Frantsııanyń barlyq munaı óńdeý zaýyttary jumys istep tur, ala ıda 7 zaýyttyń beseýi óz ónimderin taratýda qıyndyqqa ushyraǵandyǵyn aıtty
Frantsııanyń Premer-Mınıstri Edýard Fılıpptiń aıtýynsha, polıtsııa munaı bazalarynyń qaýipsizdigin qamtamasyz etip otyr, sol sebepti elde janarmaıǵa degen zárýlik joq.
«Halyqtyń ereýilge shyǵýǵa quqy bar, alaıda olarǵa munaı zaýyttarynyń jumysyna kedergi keltirýge bolmaıdy»,-dedi ol RTL radıosyna.
Onyń sózinshe, úkimet búgingi tańda zeınetaqy reformasyna qatysty basty talap bolyp otyrǵan zeınetke shyǵý jasyn ózgertý máselesin kásipodaqtarmen talqylaýǵa daıyn.
Aıta keteıik, josparlanǵan zeınetaqy reformasyna qarsy ereýilder 5 jeltoqsannan beri jalǵasyp keledi jáne ol qoǵamdyq kólik jumysyna aıtarlyqtaı kedergi keltirip otyr.
Tımýr Dúısekeev
