Frantsııadaǵy ıslam kóshbasshysy eldegi meshitter sanyn arttyrýdy talap etýde
ASTANA. QazAqparat - Frantsııadaǵy ıslam keńesiniń kóshbasshysy jáne Parıjdegi meshittiń ımamy Dalıl Býbaker eldiń bılik kózderinen meshitter sanyn eki jyldyń ishinde eki esege arttyrýdy talap etip otyr.
Frantsııa musylmandary dinı kóshbasshysynyń aıtýynsha, búginde jumys istep turǵan 2200 meshit eldegi ıslam dinin ustanatyndar úshin tym az.
Dalıl Býbaker bul málimdemesin Le-Býrjede ótip jatqan Frantsııadaǵy ıslam uıymdary odaǵynyń jyl saıyn ótetin konferentsııasynda jasady.
Frantsııa Eýropa elderiniń arasynda musylman turǵyndarynyń sany eń kóp el bolyp tabylady: munda ıslam dinin ustanatyn shamamen 5-6 mln. adam bar.
